«Качышлы»

Балалар өчен беренче шигырем:)

Песи-песи, пескәем
Качышлы уйный!
Мин сине эзлим-эзлим
Һич таба алмыйм!

Юк син диван астында,
Качмагансың шүрлеккә.
Юк син чүлмәк артында,
Курчаклар арасында.

Әйләндем өстәл тирәли,
Капшадым чаршауларны,
Уенчык тартмасының да
Калмады бер почмагы!

Песи-песи, пескәем
Качышлы уйный!
Эзләп ардым-талчыктым –
Уйнаудан тәмам туйдым!

Төште күзем көзгегә…
Таптым качкан урының!
Мин бавыннан тартып йөргән
КАМАЗга утыргансың!

17.01.2014