Сэндвич

Мастер-классны повар-кулинар Фәния ГАЙНАНОВА алып бара:

– Җәй көннәрендә табигатькә ял итәргә чыгабыз, бакчада эшлибез. Шунда тамак ялгап алыр өчен сэндвич – менә дигән ризык!

Кирәк:

багет;

пешкән тавык түше;

сыр;

помидор;

кишер;

салат яфраклары;

яшел тәмләткечләр;

майонез;

тоз.

Эш барышы:

Багетны буеннан-буена ярып, йомшагын алабыз. Багет төбенә 3-4 аш кашыгы майонез салабыз. Катламлап тезә башлыйбыз: салат яфраклары, вак итеп туралган помидор, вак итеп туралган тавык түше, тоз-борыч сибеп уылган кишер, сыр, укроп.

Багетны ризык тасмасы белән тыгызлап урап куябыз.

фото: http://www.footblog.info