giynvar
1. “Милый друг” Ги де Мопассан. Кызыксынып укыдым. Бик “уютный” китап. “Госпожа Бовари”га охшаш, динамиграк кына.
2. Мөдәррис Әгълам шигырь җыентыгы. Укыганда гел Мөдәррис абый күз алдына килде. Хәзер шигырьләр башкачарак кабул ителә – шагыйрь синең алдан яланйөрәк басып тора. Шагыйрь булыр өчен кыюлык кирәк…
3. Рафаэль Мостафинның “Силуэты” китабын укый башладым. Татар халкының бөек уллары турындагы китап – язмышлары турында сөйләнә. Җамал Вәлидидә туктадым – бик авыр. Сталин чоры тасвирлана, гаделсезлекләр, җанварлык чоры турында сөйләнә башладымы – йөрәккә нык бәрә – берничә көн тынычлана алмыйм – сыкрата. Китепаны укып бетерә алмадым. Алайса депрессиягә бирелер идем…
4. “Сөембикә” журналының юбилей саны! Ох! Бик кызыксынып укыдым! Бик яхшы, яратылып иҗатителгән сан.
5. Е. Комаровскийның бу китабын көн дә актарам – сеңдерә барам.

Сәхифә: Китапханә

dsc_0723
Зөлфәт шигырьләре күңелгә җылылык өстәде, тетрәндерде…
… Көзге чорларның
Елы баллырак,
Язы – көзлерәк,
Көзе – язлырак…

яки тагын бер дүртьюллык:
Кипми җирдә чишмә, чишмә – китә…
Сәбәпләре аның мең төрле –
Типкән чишмә бер хәтерле булса,
Киткән чишмә – мең-мең хәтерле!

“Ипи көрәге” шигыре исә елатты. Бик гади сурәтләр, әмма никадәр якын. Шигъриятне еллар өстәлгән саен яхшырак аңлыйсың. Гади сурәтләрне дә…
… Бар иде бит шундый нурлы еллар –
Барыбыз да бергә, исәннәр!
Мич астында чикерткәләр сайрый…
Җылы идән, якты түшәмнәр…

Стендальнең “Жизнь Моцарта” әсәре мәгълүмати характерда. Гомумән, Стендальнең берничә әсәрен укый башладым да ташладым – минеке түгел. (мәктәп чорындагы “Красное и черное” ярыйсы иде бугай, әмма анысы да күңелгә ярылып кермәгән, күрәмсең.)
Гофманның “Золотой горшок” һәм “Крошка Цахес, по прозванию Циннобер”ларын кабат укыдым. Супер! Гофманга сокланам! Алга таба башка әсәрләрен дә укырга исәп.
Оноре де Бальзакның “Отец Гориосы” – тасвирламалары бик шәп!
Комаровский китабын исә укудан туктамыйм да – кабат-кабат укыйм. Андагы мәгълүматны тирән итеп сеңдерергә кирәк. Кирәге генә чыкмасын иде.

Сәхифә: Китапханә    Тамгалар:

leytenant

Бу китапны укый башлауга искә төшердем – аның эчтәлеген миңа ике ел элек  Түбән Новгород шәһәрендә узган драматурглар семинарында булганда Илгиз Зәйни сөйләде. Аптырап тыңладым –  шуның кадәр ерткыч пьесалар була микәнни дип.

Пьеса-триллер.

Сәхифә: Китапханә

plintusПавел Санаевның “Похороните меня за плинтусом” китабын интернет аша өйгә алып кайттырдым. Ике көндә укып та чыктым.

Кечкенә малай күзлегеннән сөйләнгән әсәр сискәндерә. Еш кына адәм баласын кызганам, аңлыйм, бу ярамаган эш, әмма…

Оныгына карата тирания дәрәҗәсенә җиткән мәхәббәт малайны бертоташ куркуда яшәтә. Барысын да кызганыч: малайны да, әнисен дә, бабасын да, тиран әбисен дә. Әбисен аеруча… Психологик имгәнгән кешенең мәхәббәте котычкыч була икән. Оныгын алып киткән мәлдән аның яшәү мәгънәсе дә югала…

Сәхифә: Китапханә

Эзләү


Календарь

Сентябрь 2021
Пн Вт Ср Чт Пт Сб Вс
 12345
6789101112
13141516171819
20212223242526
27282930  

Рәсемнәр

pesi-hem-balyk zayac dsc01559 9 img_2923-%d0%ba%d0%be%d0%bf%d0%b8%d1%8f sl-5

Сандык