“Килмешәк” Ялтада

7 сентябрьдә, Ялтаның А.П.Чехов исемендәге театры сәхнәсендә Г.Камал исемендәге Татар дәүләт Академия театры Сөмбел Гаффарова пьесасы буенча Фәрит Бикчәнтәев сәхнәләштергән “Килмешәк” спектаклен уйнады. Спектакль “Кырым театраль көзе” икенче Бөтенроссия милли театрлар фестивале кысаларында күрсәтелде.

“Безнең өчен Ялтаның Чехов исемендәге сәхнәсендә уйнау – зур вакыйга. Фестивальнең Россия милли театрларын чакыруы бик күңелле күренеш. Без барыбыз да бер халык, барыбыз да театрны һәм Антон Павлович Чеховны яратабыз. Сау-сәламәт булыгыз!”, – диде, спектакльдән соң Ялта театры сәхнәсеннән Камал театрының баш режиссёры Фәрит Бикчәнтәев.