Авылдашым Кәримулла Гатиятуллинга багышлыйм

Сөнгатулла елга буена килеп утырды. Ул бирегә кызыл бозауларын арканларга дип килгән иде.

Монда үлән куерак, яшелрәк, сусылрак. Мал-туар ярдан читтәнрәк чемченүчән. Бозауларны да, яр җимерелеп төшүдән шикләнеп, бирегә җитәрлек итеп арканламыйлар. Шуңа күрә яр читендәге үлән иркенрәк үсә.

Утырганда, ул җиргә таянган иде. Төпләрендәге чык кибеп бетмәгән салкынча үләнгә учы батты, ә бармак араларына туры килгәннәре калкып калды. Кулын алгач, уч эзе, кәгазьгә куеп, карандаш белән сызгандагыча, таянган урында аермачык беленеп торды. Үләннәр әкренләп җанланды: алар селкенештеләр, турайдылар. Бераздан уч эзе юкка чыкты.

«Үләндәге эз тиз бетә», – дип уйлады ул.

Сөнгатулла сузган аякларын бөкләп утырды. Беләкләрен тезләренә аркылы салып, кулларын кушырды. Аның күләгәсе каршы яктагы комга төшкән.

Җир салкынча әле.

Тулысы белән укырга

“Сөембикә” журналының сайтында котлау куйганнар… Шундый рәхәт! Рәхмәт!

Сөмбел… Исеме дә, үзе дә, холкы да, иҗаты да бик оригиналь!.. Язучы Әхәт Гаффар белән галимә Фәридә ханымның төпчек кызы, тәрҗемәче Ләйлә апасының яраткан сеңлесе булсын да! Бөтерчек урынына тәгәрәүче, тылсымлы Фея кебек тирә-юньгә ямь бирүче Сөмбелебезнең бәйрәме бүген! (Дөресрәге – кичә, ә котлаулар бүген дә дәвам итә!) Аның турында сөйли башласак, редакция, сайт,  яңа пьеса, фото, сәяхәтләр, фенечкалар, тел йотарлык салатлар, каһвә, экзотика ише сүзләр кулланышка кереп китә… Йөремсәк гыйбарәләре белән көлдерә. Яшьлеге, юморы, шуклыклары безгә дә күчә.

Тулысы белән укырга

Танышларым сөйли: “Улым йоклар алдыннан гына, иртәгә мәктәптә буласы ярминкә турында әйтте әле. Нишләргә?! Кая йөгерергә?!” Һе! Җаен тапты, әлбәттә, менә дигән куян тегеп ташлады.

Безнеке дә шулайрак былды – иртәгә буласы ярминкә соңгы кичне генә искә килеп төште. Җыеп куелган тукымаларны тартып чыгардым да, интернеттан идея табып, ЯБАЛАК тектем.

Тулысы белән укырга