Албит » Көндәлек » Кире Суфия
10/11/2020

Кире Суфия

124080534_10157847942099952_2230773198800609202_o
Суфия кайчак үзен бик тәртипсез тота башлый. Киреләнә. Телләшкән була. Әйткәнне тыңламый. Сораганны үтәми. Усаллана хәтта. Минем “Әни белән болай сөйләшергә ярамый!” дип әйткәнемә баш иеп, күзен яшерә, әмма тәртибен үзгәртми. Күреп торам, бик тә үзгәртер иде, горурлыгы моңа юл куймый.
Элегрәк мин кызып киткәли идем. “Үзеңне начар тотасың! Мультиклар юк сиңа бүген! Менеп төшүемне көтәсеңме?! Бар чыгып кит бүлмәдән, күземнән югал!” дип дулый идем. Нервым чыдамый иде бу хәлләргә. Нишләргә? Үземне ничек тотарга? Инде бит матур итеп, ягымлы итеп тә сорадым, ачуланып та… Бер нәрсә дә үтми! Уфф!! Мин бик ачулы, ярсу идем шул минутларда.

Ә бер көнне шушындый фраза укыдым: «Бала назга бөтенләй лаек булмаган вакытында, аның назга иң сусаган мизелләре булыр». Укыдым да, бар нәрсә урынына утырды. Инде бит ул игътибарны колачлап-колачлап бирәсең дә кебек, әмма барыбер җитеп бетми. Димәк, баланы башка бер әйбер борчый да, ул синең игътибарыңны шушылай җәлеп итәргә интегә.
Элек, үземнең эчемдә тыныч булганда мин моны табигый гына эшли идем – бала мине нервландыра, мин аны кочаклап алам. Бала акылына кайта. Ә шушы фразага юлыккач, үземнең нинди хәлдә булуыма карамастан, баланы назлый башлыйм. Кочаклый, алдыма утыртам, сөйләштерә башлыйм. Кызым хәтта елап та җибәрә. Балакаем. Сөйләшкәнебезне ярата ул. Фикер алышырга, кечкенә чагы турында тыңларга, минем балачагым турында белешергә ярата.
Хәзер шушыны аңлыйм, әгәр дә балам тәртипсезләнеп кечкенә монстрга әверелә башлый икән, димәк, күптән (бәлки ярты көндер) кочаклашканыбыз, күзгә-күз утырып сөйләшкәнебез юк.
Мәхәббәт, наз.
❤️Кабатлыйк: «Бала назга бөтенләй лаек булмаган вакытында, аның назга иң сусаган мизелләре булыр».
Сәхифә: Көндәлек    Тамгалар:

Әлегә фикерләр юк

Фикерегез

Эзләү


Календарь

Сентябрь 2021
Пн Вт Ср Чт Пт Сб Вс
 12345
6789101112
13141516171819
20212223242526
27282930  

Рәсемнәр

kenny _2 keks4 _9 tukay-yadkere1 mini5

Сандык