20 минут эчендә бүләккә беләзек ясыйбыз

Кирәк:

– Урта зурлыктагы 10-12 сәйлән;
– 80 см тирәсе атлас тасма – (сәйлән киңлегендә яки бераз киңрәк булсын)
– Энә белән тасма төсендәге җеп.

Эш барышы:

Энәне саплыйбыз да, төенләмичә генә тасмага сәйлән тегә башлыйбыз (тасма очларын калдырырга онытмагыз). Сәйләннәр арасы – бер ярым сәйлән зурлыгында булсын.

Тегеп бетергәч, җепне җайлап кына тарттырабыз. (Атлас тасма бик нәфис икәнен онытмыйк – моны бик сак кына эшлибез.) Хәзер җеп очларын тасмага төенләп яки тегеп куябыз (тасманы бераз кабартып кырыйдагы сәйләннәргә беркетәбез). Беләзегебезне тагын бер кат җеп белән ныгытып чыксак яхшы. Тасма очларын өтәлибез.

фото: Г. Хафизов.