Бәйләнгән брошь

Мастер-классны Ләйсән ХАҖИЕВА алып бара

Кирәк:

* “ирис” җебе;

* ыргак;

* каптырма;

* сәйләннәр.

Эш барышы:

71 күзле чылбыр бәйлибез.

1 нче рәт:

а) бишенче күздән чалып ясалган багана бәйләп чыгарабыз;

б) буш күзне калдырып китәбез;

в) чалып ясалган багана, буш күз, чалып ясалган багана – ахырга кадәр кабатлыйбыз.

Шулай итеп, чылбыр түгәрәкләнә башлый.

2 нче рәт:

а) борылыр өчен бер буш күзне бәйләп чыгарабыз;

б) баганалар арасындагы буш күздән 2 чалып ясалган багана, 3 буш күз, 2 чалып ясалган багана бәйләп чыгарабыз;

д) ахырга кадәр кабатлыйбыз.

3 нче рәт:

а) борылыр өчен бер буш күзне бәйләп чыгарабыз;

б) 3 буш күздән ясалган аркадан 9 чалып ясалган багана бәйләп чыгарабыз.

в) ахырга кадәр кабатлыйбыз.

40-50 см җеп калдырып, кисәбез. Бәйләнгән тасманы спираль рәвешендә урнаштырып, тегеп куябыз. Каптырма тагып, уң ягын сәйләннәр белән бизибез.

фото: Г. Хафизов