Йомшак далия

брошь

Кирәк:

фетр;

үтәкүренмәле җеп;

энә;

линейка;

каптырма.

Эш барышы

Тукымадан шакмаклар сызып кисәбез:

2 х 2 см ~ 35-38 данә;

1,5 х 1,5 ~ 10 данә;

диаметры 5 см зурлыктагы 3 түгәрәк кисеп алабыз.

Шакмакларның һәрберсен таҗ рәвешенә китереп кисәбез.

Ике түгәрәкне тоташтырабыз, өстенә таҗларны бөтереп, түгәрәк буенча тегеп чыгабыз (эре таҗларны кырыйга, вагракларын – үзәккә).

Өченче түгәрәккә каптырманы тегеп куябыз. Аны таҗлар тегелгән түгәрәккә ныклап беркетәбез.

Ә хәзер брошьны палантин яки калын күлмәккә тагыгыз!

P. S. Шакмакларны эрерәк яки ваграк кисеп карагыз – брошь башкачарак күренер.