Кире Суфия

10/11/2020
124080534_10157847942099952_2230773198800609202_o
Суфия кайчак үзен бик тәртипсез тота башлый. Киреләнә. Телләшкән була. Әйткәнне тыңламый. Сораганны үтәми. Усаллана хәтта. Минем “Әни белән болай сөйләшергә ярамый!” дип әйткәнемә баш иеп, күзен яшерә, әмма тәртибен үзгәртми. Күреп торам, бик тә үзгәртер иде, горурлыгы моңа юл куймый.
Элегрәк мин кызып киткәли идем. “Үзеңне начар тотасың! Мультиклар юк сиңа бүген! Менеп төшүемне көтәсеңме?! Бар чыгып кит бүлмәдән, күземнән югал!” дип дулый идем. Нервым чыдамый иде бу хәлләргә. Нишләргә? Үземне ничек тотарга? Инде бит матур итеп, ягымлы итеп тә сорадым, ачуланып та… Бер нәрсә дә үтми! Уфф!! Мин бик ачулы, ярсу идем шул минутларда.

Тулысы белән укырга

Сәхифә: Көндәлек    Тамгалар:

5nMtdJ2gpVQ

Кызым “өчле” алып кайтты! Югыйсә ныклап өйрәнгән иде бит дәресен!

Суфия уку елы башлангач ук сорады: “Начар билгеләр өчен әрләрсеңме?” дип сорады. Мин: “Юк, ачуланмам. Күңелсезләнермен генә”, — дидем.
Сүздә торам. “Бик яхшы әзерләнгән булса да,сүз диктантыннан, “өчле” билгесен алып кайтты. Аһ-ваһ килеп гөрләштек, ничек шулай килеп чыккан – аңлаштык, нәтиҗә чыгардык, кочаклаштык-үбештек, тәмләп чәй эчтек.

Әни – ул ярату, кабул итү, бала яклы булу. Мәктәп, тормыш, дуслар баланы “кыйнар” әле, анысыз буламыни?
Тормышта ниләр булмас! Авыр чакта, мин ачуланырмын, аңламам дип курыкмасын! Миңа килсен! Ә моның өчен әни кешегә нык тырышырга кирәк шул.

Көч һәм сабырлык бир шундый Әни булырга.

Сез начар билгеләр өчен ачуланасызмы?

Сәхифә: Мәкаләләр

Y4rGyMAyYMg

Бала тәрбияләүдә психологлар киңәшләренә колак салучан мин. Аларны тыңлагач, тормыш җайлырак бара кебек безнең.
Әмма дә ләкин, безнең олы кыз Суфияны психологлар алымнарын еш кына ботарлап ата.

Кечкенә чакта әниемнең миңа күзен ялтыратып-зурайтып алуы була – минем инде йөрәк тезгә төшеп китә, шундук эшләгәнемнән тукталып кала идем. Баксаң, бүгенге көндә бу алымны психологлар да хуплап, әниләргә куллану өчен тәкъдим итә!

Мин балачак тәҗрибәмне истә тотып, Суфияга аңа бер 3 яшьләр булганда күземне үтемле итеп зурайтып карый идем. Суфия да ялгыш эш эшләгәнен аңлап ала иде.
Тулысы белән укырга

Сәхифә: Мәкаләләр

Юк!

3/11/2020

S_p25lEnVNk

Психологлар балага “Юк!” дидегез икән, инде артка юл юк. Юк икән, юк. Юк дигәч, янәсе аннары рөхсәт итәсез икән, бала сезнең “югыгызга” игътибар итми аннары.

Суфия белән ничегрәк? Ул бер “Юк” дигәч, ялынып ала. Кабат-кабат сорый… Мин сүземдә торам, “Юк, булды”,- дип. Инде дә бераздан, кайберчакта берничә сәгатьтән кабат килеп сорый, вариантлар тәкъдим итә – син рөхсәт итсәң, тегеләйрәк эшлим, болайрак булыр, дип мине үгетли. (Кайбер очракта бик каты елап җибәрә, йөзенә фаҗига бәрелеп чыга.)
Әле туганнарын өйрәткәнен ишеттем: “Ничек инде, әниең рөхсәт итми? Тукран кебек тюк-тюк ит! Һичьюгы ела!” Менә сиңа!

Шунда инде мин рөхсәт итәм…
Ни өчен? Бала максатына ирешергә өйрәнә. Бик тели икән, ул теләлгәненә ирешергә тырыша. Өлкән кеше булса, без аны “максатына ирешүчән” дип атыйбыз түгелме?

Үскәч, катгый “юк!” ишетүгә тукталып калмасын! Ишеккә кертмәсәләр, тәрәзәдән керсен!

Сез ничек уйлыйсыз, бу баланың минем белән манипуляцияләвеме? Яки холкымы?

Сез “Юк” дигәч, сүзегездә торасызмы?

Сәхифә: Мәкаләләр

Эзләү


Язылу

Календарь

Ноябрь 2020
Пн Вт Ср Чт Пт Сб Вс
« Сен    
 1
2345678
9101112131415
16171819202122
23242526272829
30  

Рәсемнәр

more movies blacky tasma5 t7 pled

Сандык