Зөләйха ханым Мингазова язып җибәрде. (Мондый хатлар-хәбәрләр алу миңа никадәр ярдәм иткәнен белсәгез сез!)

«Язлар моңы» язган Әхәт Гаффар

Сәхнәләрдән төшми уйнарлык.

Сугыш хәсрәтләрен, язмышларын…

Кабат — кабат кайтып уйларлык.

Гармун моңнарына төреп биргән

Күкләр хәйран калыр хисләрне.

Мәхәббәтнең мәңгелек үрнәген,

Чорлар, гасырларны кичкәнне.

Без Чаллы театры @chelnyteatr белән җиңүнең 75 еллыгына сезнең әсәрне куйдык. Мең рәхмәт сезгә!

– Йолдыз, нишләп алар китәләр?
– Мин дә моның турында уйлаган идем. Шундый фикергә килдем. Җәннәт – ул бер-берсен монда – җирдә тапкан һәм яраткан кешеләр, бер-бер берсенә сарылып, бер-берсен ычкындырмыйча кочаклап тору урыныдыр. Анда без беркая ашыкмаячакбыз, эшкә барасы юк, аерылып торасы юк. Кочаклашып торачакбыз. Бербөтен булып кочаклашып торачакбыз. Оҗмах – яратканнарың куенында булудыр ул.
⠀
Икенче фото миңа бик кадерле. Язучы Әхәт Гаффар белән тәнкыйтьче Фәрвәз Миңнуллин киләчәктә кызлары якын дуслар булыр дип уйлап та карамыйлар бит. 

Faiz Kamal ясаган видео