(Балага 1 яшь тә 8 ай тирәләре)

Яз көне үк күкрәктән аерырга ниятләгән идем… Бала моңа әзер дә шикелле – кеше ризыгы ашарга тешләре дә чыккан бит. Әмма йөри торгач, шуны аңладым, баладан аермалы буларак, моңа мин әзер түгел бит әле! Кабул иттем һәм зур канәгатьлелек хисе кичереп, кызымны күкрәгемә кыстым – ә ул, аңлагандай, миңа хәйләкәр итеп күзен кыса тагын! Язны-җәйне шулай рәхәттә уздырдык. Төнлә дә ятып кына имезәм – озак итеп уңайсыз ятканга  күрә, аркам бөгелмәс тактага әверелә. Төненә ничә мәртәбә уянып сорый имине! Эчәсе килә инде, билгеле, әмма су эчми – сөткә ияләңгән шул… Кыскасы, көзгә кергәндә мин инде тулаем әзер идем! Баланың тутырып караган күзләре йөрәкне тырнады, әлбәттә, әмма мин нык торырга көйләндем.

Аерып әйтим, күкрәктән аерам дисәгез, моның өчен йә яз, йә көз фасылын сайлыйсы. Элеккедән килгән йола гына түгел бу! Безнең әбиләр гакыллы булган, моның хакта онытмагыз. Җәй көне аерсагыз, бала төрле инфекцияләргә җиңел табыш булыр, кыш көне исә – вирусларга.  Икенчедән, бу чорда бала бернинди стресс кичермәскә тиеш – авырмый, чираттагы прививка ясау каралмаган һәм башкалар.
Тулысы белән укырга

1. Анна Ахматованың татарчага тәрҗемәсе.  Йолдыз Миңнуллина, Луиза Янсуар, Гөлназ Вәлиева, Илсөяр Иксанова, Рамис Аймәт, Рифә Рахман үз эшен югары профиссионаллек белән башкарып чыкты. Исеп китеп укыдым – татар теле никадәр бай икән ул, җәмәгать!…

2. «Госпожа Бовари» Гюстав Флобер. Геройларның күңелсез тормышы озын-озак бик матур һәм кызык итеп сурәтләнгән. Апам «Скука» дип атады бу китапны – «Ничек укып чыгарсың микән» дигән шиген белдерде. Рәхәтләнеп укыдым. Китаптагы төп мәгънә – бәхетсез хатын-кыз бөтен гаиләсен бәхетсез итә…

3. Рәшит Әхмәтҗан шигырьләре – оялып кына әйтергә мәҗбүрмен – ярты китапны гына укып чыга алдым. Үземә якын шигырь таба алмадым һәм укуымны туктатырга булдым…

4. Равил Фәйзуллинның кыска шигырьләре.  Бик кызыксынып, тәм табып укыдым. Бу җыентыкны Равил абый миңа 1998 елда язып бүләк иткән иде.

Тамчылы гөл – нәкъ әнием!

Элегрәк

Танымый да идем гөлләрне.

____

Яшь чак
Кесә тулы елан мөгезе!
____
Арысланнар йөрми көтү белән.
Йолдызлар да
бер уч кебек
күренә генә.

5. «Сөембикә». Яхшы журнал! Укырга тәкъдим итәм! 🙂
6. «Казан утлары». рәттән укып чыктым дип әйтә алмыйм, әмма канәгатьләндем:)
7. Доктор Комаровский – бусын гел укыйм инде.

Яңа беләзек ясадым. Үземә үтереп ошый. Яңа елга кадәр сатылмаса, үземә калдырам – бизәр туры килүче киемем дә бар! Кыскасы, сатып алырга теләүче табылмаса гына ярый инде! 🙂

Тәрәз пәрдәле.
Дөньям – галәмгә тиң киң –
Кызым кочагы.