Күренекле хокук белгече, сәясәтче һәм җәмәгать эшлеклесе Садри Максуди Арсалның үлеменә 60 ел тулу мөнәсәбәте белән иртәгә Истанбул университетында искә алу җыены үткәрелә. Чара мәрхүм галимнең оныклары Гөнүл Пултар һәм Гөлнур Учокның инициативасы белән Истанбул университеты Хокук тарихын өйрәнү үзәге тарафыннан оештырылган.

Җыенда Садри Максуди Арсалның хезмәтләре буенча фәнни тикшеренүләр алып барган төрек галимнәре доклад белән чыгачак. Шулай ук Россия Федерациясе Фәннәр академиясе Көнчыгышны өйрәнү институтының әйдәп баручы фәнни хезмәткәре Әлфинә Сибгатуллинаның да чыгыш ясавы көтелә.

Тулысы белән укырга

Әти Әхәт ГАФФАРны 23 февраль бәйрәме белән котлыйм!

Армиядә хезмәт итмәсә дә, университетта укыганда сборларга йөргән һәм кече лейтенанттан алып капитанга кадәр үсеп җиткән.

Шулай күңелле укыганнар! 🙂

Суфия белән Курчак театрына бардык. “Малыш и Карлсон” белән “Су анасы” арасыннан соңгысын сайлады. Аңламаган җирләрен сорады, бик кызыксынып, борчылып карады.

Бу юлы озак бармый торганбыз икән. Бала үзе үк сорый башлады – кайчан барабыз инде дип. Үзенең өендә кебек хис итә үзен. Рәхәт аңа. Бу тәхетләрдә утырганнар, шакмак идәннәр буйлап сикергәннәр бәхетле балачакның кечкенә матур мизгелләре булып исендә калсын иде.

Әтигә Минтимер ШӘЙМИЕВ китап язып бирде. Әти аңа дүрт томлыгын бүләк иткән иде. Так что алавердысыз булмады 😉